A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > ATTUALITÀ CORSA

Quellu chì cumprerà a casa di Dalida... ùn serà micca corsu

540 m², 3 case, una piscina, un tennis, 10 sale di bagnu. A casetta di Dalida in Portovèk hè in vendita. Corses s'abstenir.

Ùn ci cuntate mancu. A villà di Dalida hè in vendita, ma ùn hè micca per voi. L'annunziu ùn hè micca surtitu in Corse-Matin ma hè cummercializata da Sotheby's International Realty France-Monaco (và bè ?).

I ritratti ùn si ponu micca vede in Corse-Hebdo ma nant'à u situ di Gala.

Bona nutizia, in u prezzu hè cumpresa una piazza in u portu pè u vostru battellu di lussu !

Costu : 5 milioni d'eurò.

Allora per quale serà sta magnifica résidence segondaire di grande lussu ? Un riccu russiu ? Un catinu di a jet-set ? Un grande patrone di u CAC 40 ? Una presentatrice d'un'emissione di télé-réalité di TF1 ? Jean-Marie Bigard ? Didier Barbelivien ? Benjamin Castaldi ? Enrico Macias ? O forse Justin Bieber ?

Almenu, sapemu digià ch'ellu ùn serà micca qualchissia di quì.

O Corsu, ùn a sai ancu chì cumpratti una casa in u to paese ùn hè più pussibule ? Di tutte manere, ch'aviate da fà di dece sale di bagnu ?

u 28 d'Aprile 2011

U Webmaestru

Accueil

Envoyer à un ami

Version imprimable

1.mandatu da ghjiseppa u 28/04/2011 03:42

poveri à noi poveri à noi. A nostra terra si ne va à caternu..

2.mandatu da Alexferox u 28/04/2011 10:01

E perchè un saria micca corsu ? Ci n'hè pochi mafiosi e altri scrocchi nustrali chi puderianu cumprà stà casa, assai amichi di i russii...

3.mandatu da MICCANOME u 28/04/2011 11:28

A PO CUMPRA JEAN CHRISTOPHE CHI AVA VINCERA I SOLI

4.mandatu da Grossu panzutu u 28/04/2011 13:53

Que so chjachjare basta a fighja i nomi di a ghjente inde sti loghi pe capi che i famosi corsi cherchi a soldi so altro! Qui si parla piutostu di ricchi industriali o di get set! se ùn ne site cunvinti fighjate l'annuariu di cala purcina, purtichju (novamente portitch), portu polu, calvi... Ma puru d'altri loghi cume certi paesi di castagniccia induve un vechju casamentu di petra a l'abandonu costa 150000euri o piu. Ancu l'appartementi di centru citta in bastia o aiacciu so fora misura pe quellu chi travaglia in corsica. Inde l'alloghji sucial ci stanu l'immigrati! I nostri paesi diventanu campi di vacanze pe ricchi, un pudemu avicinacci di i centri citta e di i paesi e l'HLM ùn so micca per noi! A colpa ùn hé micca a quellu chi s'arriza a matina a 6 ore pe 1200euri u mese e chi po paspasi un millione pe una vechja casa! Ghje quella di i "pinsa be "chi annu lasciatu fà tuttu dapoi 50 anni pe licca i culi di i prifetti e di a magistratura e chi annu fattu una bella cariera pulitica in parigi e in corsica!

5.mandatu da Christian Chjavé u 28/04/2011 14:28

DALIDA FORA

6.mandatu da burdinale u 28/04/2011 16:40

Carlu Pieri prupone 2 milioni ... Beuh !! Seranu soldi vechji???

7.mandatu da Mamone u 28/04/2011 17:24

E vera un c'hè che da fidia e casate e si capisce subitu chi corsi un ci n'hè tanti in PortuVechjiu o in Calvi!! U scandalu hè chi i Corsi di è classe medie un ponu più cumpra mancu spessu in Bastia perchè i prezzi so troppu culladi e sopratuttu di poi chi tutti "e people" cumprannu !!!!

8.mandatu da estrimei u 28/04/2011 19:07

ie , o Grossu panzutu , he vera so che tu scrivi !
per cambià e cose , mi pare ch'ellu ci'uleria a ricunosce a naziunalità incu i so diritti e duveri .
un corsu chi he disgraziatu, chi vince pochi solli , deve esse accasatu in priurità.

e regulle di u travagliu devenu esse rispettate da tutti (a pagga, l'ore travagliate , e dichjarazioni a e casce)....

9.mandatu da Carlu u 28/04/2011 19:21

Grossu panzutu so d'accordu cun tè !

10.mandatu da Frack Chezivor u 28/04/2011 22:10

é parchi un serà micca corsu ? I corsi so tutti senza soldi ? Ci so i maffiosi indé noi pà cumpra sta casaccia qui...

11.mandatu da Mauro Sarrecchia u 29/04/2011 03:52

(da un teleffuninu)

fate attenzione a parlare troppo a voce alta.... se no finisce che la compra il nano malefico che governa l'Italia per farci una sede estera del Bunga Bunga.
E allora sarebbero davvero guai per la Corsica e per i Corsi. Guardate come ci ha ridotti a noi italiani.....

12.mandatu da Mauro Sarrecchia u 29/04/2011 03:52

(da un teleffuninu)

fate attenzione a parlare troppo a voce alta.... se no finisce che la compra il nano malefico che governa l\'Italia per farci una sede estera del Bunga Bunga.
E allora sarebbero davvero guai per la Corsica e per i Corsi. Guardate come ci ha ridotti a noi italiani.....

13.mandatu da cipullone u 29/04/2011 13:26

Ben parlatu o grossu panzù.
Se e legi d'u mercatu ùn cambianu simu cundannati a vede parte u nostru fundariu versu e stacche e più piene (chi per discrazia, 'ùn sò micca e nostre). Cumpra in Corsica e diventata troppu faciule per chi a soldi.
Avemu assolutamente bisognu d'un dispusitivu cume quellu di i 10 anni di residenza per minui a pressione e a speculazione.

Speremmu chi l'eletti sianu a l'altezza e ch'elli adoprinu i puderi di a CTC per strappa stu dispusitivi...

14.mandatu da Cipolla capicursina u 29/04/2011 22:02

Credi di minuisce sta malattia murtale incu i "10 anni di residenza"... ghjè quante zappa indè l'acqua....

15.mandatu da ANTO u 30/04/2011 14:03

in cu 20 chilo deue buttigliè de gaz e una mecha longa un vale piu nunda :què ghjè a rilativita di e cosè !

http://www.blog-anto.be

16.mandatu da spadonu u 30/04/2011 14:36

10 anni di residenza? chi vole di? ùn basta micca stu solu criteru o sinò hè troppu semplice.

17.mandatu da mohameducciu u 01/05/2011 21:17

I corsi chi tenenu i soldi vanu a cumprà in altro, cume a Marrakech, i Marucani scalanu inde noi per fà i travaglii i piu bruti, e noi andemu inde elli a cumprà i riad e altre case di ricconi, cume a u piu bellu tempu di a culunisazione.
A Marrakech c'he "a casba" induve campanu l'arabi inde i burdigotti, e di l'altra parte di a cita un altru mondu, cu tutti i ricconi francese e assai corsi, chi prefericenu mette i so soldi in un paese piu sicuru che a Corsica.
Inde noi un si po fa nudda senza a permizione di tutti; i clanisti, i naziunalisti, i clandestini, l'eculugisti, i cursisti, i cacciadori, i pastori... ognonu vole di u so pare e nudda si face, simu u populu u piu forte per l'immubillizzimu, e cusi l'ecunumia si ne more e un ci ferma piu chi qualchi pumataghji piducchjosi chi ci lascenu e so merde dopu l'estate.

Novu cumentu :