10 idee di custumi d'Halloween pè fà paura à i zitelli

1. In giandarmu : un clàssicu di u spaventu. Un bellu képi è una mustaccia è u successu hè guarantitu.

2. In Christian Clavier : U nànnulu di Punta d'Oru s'hè fattu bè rimarcà quist'annu. Di siguru unu di più grandi orrìbili di 2008.

3. In Ange Rovère : L'ultimu cummunistu di u mondu hà l'abitutine di fà a paura à i zitelli Piazza San Niculà. Da veru spaventèvule !

4. In Bernard Bonnet : Nunda ch'è a vista di a so chignaccia vi dà l'affannu...

5. In Jean-Vitus Albertini : U Guy Carlier di France 3 Corse face sempre u so effettu.

6. In André Paccou : Vi vidite sorte in carrughju cù a so faccia ?

7. In Paul Quastana : Ferrete trimà à tutti ma almenu puderete beie à l'ochju tutta a serata.

8. In Jean-François Bernardini : Attenti chì Ghjanfrancè s'assumiglia di più in più à E.T...

9. In Emile Zuccarelli : Hà trasfurmatu a merria di Bastia in casa di l'orrore. U più grande successu d'Halloween di st'ultimi dece anni.

10. In Paul Natali : Per ellu, hè Halloween tutti i ghjorni. À voi di truvà a vostra Anne-Marie per u coppiu infernale di U Borgu.